¤ التحم الجيش ودخل سلاح المهندسين (حمرة عين) .. وضربا (شين) ،و (بسالة ورجالة).. سواعد وطنية مخلصة.. كسرت (الحصار) وحققت (الانتصار).. عنوة و(اقتدار) وغدا ستواصل (الاعمار).. جيش رامي قدام، (يكسح) و(يمسح) .. (طق نضيف) على قول الباغي الشقي حميدتي.. الم يطالب مليشياته بمواصلة افعالها الاجرامية ؟.. حرضها علنا وقال (عاوزين منكم طق نضيف).
¤ لكن طق الجيش في (المليان) ما افعال جنجويدي (جبان).. ضرب موزون ب (الريموت).. ما اقتحم (البيوت).. وما اندس في (الدايات) ومانهب ناس (الثورات) و(الكلاكلات) او (الصحافات).. ما اغتصب (السيدات) و(الانسات) وماسرق (الدولارات) او دمر (المنشات) او تجرا وقطع (الاتصالات).
¤ جيش صفوفه خاليه من (الهوانات) واصحاب (الكريمات)، وقيادته اتخرجت من اقوى (الكليات)، وما بتلبس (الحجبات)، وماعميلة عند ناس (العقالات).. جيش ح يحرر نيالا و (مدني) وماعنده عقده شراب قهوة في (شندي)، او قطيعة نفسية مع ناس (مروي).
¤ جيش (خيالة) و (اباله) و (هجانه).. لا (دعامه) لا (قحاته)، جيش (كرن) و(وازا) وفيهو ناس (مورتا).. جيش (ربابه) و(طمبور) وداعمنو ناس برطم، جكومي ،اردول و (تمبور).. جيش فيهو ناس (ادروب) خلى الدعامه والقحاته قالوا (احيي ووب).. ساحق لاي (دعامي) واي واحد من جنده، فصيلة دمه (اوه جياشي).. جيش يطمن فيهو ناس العطا و(كباشي).. ومابنخدع ب (إطاري). وبالقليل حاله (ماشي).
¤ فيهو جندي من (القرشي) وضابط من (منواشي) ومستنفر من (فداسي).. جيش كارب (القاش) خالية صفوفه من (عربان الشتات) و(الأحباش).. مازي المليشيا الجابت (الاوباش).. باختصار جيش قائده (البرهان) ، حق (السودان) ما (الكيزان).. جيشنا (صامد) و (جامد).. (منصور) على مليشي (مدحور).. سلاحه (الدانات) و (المسيرات) و(الدعوات) و (البركات) .. الليلة بشائره (جات) رافعة النصر (رايات).
¤ جيش ثابث في (الساحات) وصابر على (الابتلاءات)، رغم انف القحاته الصامتين عن (الانتهاكات)..ومروجي (الاشاعات).. قحاته خيار وفقوس في تسجيل (الادانات) واصدار (البيانات).. يبكوا على قطع (راس) ويفرحوا على وطن (إنداس) من (الانجاس).
¤ (قحاته)، (رباطه)، ناس (عرمان) و(دسيس مان)، وكل (سجمان).. اما قواتنا ، جياشة (شجعان) و (فرسان) ناس الشهيد (لقمان) وود مكاوي (عثمان).. جيش جوة (ام درمان).
¤ ومهما يكن من امر .. جيش (قوقو) مابهزمو وليام (روتو).
-
-
-
-
-
-
