وجه سائق شاحنة مصري رسالة إلى زملائه السائقين المنتظرين عند المعابر في مقطع فيديو نشره عبر حسابه تحدث فيه عن تجربته خلال رحلته داخل السودان حيث قال: يا جماعة أنا دخلت السودان والطريق أمان مفيش أي مشاكل بتواجهني ومقابلنيش غير كل أدب واحترام.. السودان أمان وشعبها طيب وناس محترمة متصدقوش الاشاعات”.أخبار السودان
وأضاف السائق: عايز أقولكم كل اللي على النت إشاعات ونشر للفتن بس مش أكتر مفيش حاجة على الطريق الطريق أمان والارتكازات موجودة وزودوا الارتكازات وعساكر المرور موجودة وبنسألهم وكل شيء تمام وأنا بكلمكم وأنا على الطريق ماشي من امبارح مفيش أي مشاكل.
وتابع موجهًا حديثه إلى زملائه: متدوش فرصة لناشرين الفتنة إنهم يخوفوكم السودان أمان وشعبها طيب وناس محترمة وإنتوا عارفين الكلام ده الوحش بيمثل نفسه وموجود في كل الدول ده طبيعي.. اكسروا حاجز القلق واتحركوا والناس اللي واقفة قدام حظيرة دنقلا أنا بقولكم اتحركوا مفيش حاجة.
واختتم السائق حديثه قائلًا: ربنا يسترها علينا جميعًا وإن شاء الله نرجع بالسلامة أنا لو في حاجة على الأقل هخاف على نفسي معنديش مصلحة مع حد أنا بقول كلمة الحق ماشي من امبارح مقابلنيش غير كل أدب واحترام.
المصدر
سودانيز مصر
